04 дек 11:50
Янгиликлар

Бокс/ММА

USADA Яир Родригесни ярим йилга четлатди

Ярименгил вазнда UFC жангчиси Яир Родригес 6 ойлик четлатиш жазосини олди, деб хабар бермоқда MMA Fighting.

Бундай қарорга USADA антидопинг агентлиги келган. Мексикалик жангчи допинг текширувдан ўтишдан бош тортиб келаётган эди. Яир тахлил учун бормоқчи бўлган агентлик ходимларига уч бор қаерда эканлигини айтмаган. Яъни, очиқчасига допинг учун тахлил топширишдан ўзини олиб қочган.

Натижада USADA Яир Родригесни ярим йилга жанглар ўтказишдан четлатди. Яирнинг дисквалификация жазоси кучга кирди ва 2021 йилнинг март ойигача амалда бўлади. Родригес сўнгги бор 2019 йилнинг октябрь ойида октагонга кўтарилган ва ўшанда амаерикалик Жереми Стивенсни мағлубиятга учратган эди. Унинг Забит Магомешариповга қарши кечиши керак бўлган жанги эса айнан Яирнинг айби билан бир неча бор бекор бўлганди.