29 мар 09:29
Янгиликлар

Бокс/ММА

Усик - Энтони Жошуа реванш жанги Осиёда ўтказилади

Супероғир вазн тоифасида интиқлик ила кутилаётган чемпионлик реванш жанги Европа ёки АҚШда ўтказилмаслиги мумкин.

Супероғир вазнда WBA Super, WBO, IBF ва IBO йўналишлари чемпиони Александр Усик ушбу камарларнинг собиқ соҳиби Энтони Жошуага қарши жангга тайёргарлик кўриш учун уруш бўлаётган Украинани тарк этганди.

Daily Mail нашри тарқатган хабарга кўра, ушбу реванш жанги 25 июнь куниСаудия Арабистонида ўтказилади. Усик - Жошуа жанги The Ring журнали томонидан 2021 йилнинг "Йил воқеаси" деб топилганди.

Эслатиб ўтамиз, 12 раунд тўлиқ давом этган илк жангда украиналик боксчи 116-112, 117-114, 115-113 ҳисобида ғалаба қозониб, WBA Super, WBO, IBF ва IBO камарларини қўлга киритганди. Александр 19 та жангининг барчасида зафар қучган, 13 та жанг нокаут билан якунланган.