Усик - Жошуа 2. Александр жанг ҳақида фикр билдирди

WBA, IBO, IBF ва WBO камарлари соҳиби, украиналик боксчи Александр Усик ушбу жанг ҳақида қуйидагича фикр билдирди:

"Жошуанинг нима қилишини тахминан биламан. лекин буни ҳозир айта олмайман. Чунки буни кўриб қолиб: "Мен бошқа нарса қиламан", - дейиши мумкин. Жанггача менда бироз вақт бор, аммо ҳозир вақтим ОАВ ёки шунга ўхшаш нарсалар билан ўтяпти. Мен кўп нарса қилдим. Биз кўп ишладик, энди шанба куни жанг ташкиллаштирилади.

Жангга тахминим? Жин урсин, мен Ванга эмасман. У ким биласизми? Google'дан излаб кўринг", - дея Усикнинг сўзларини келтиради Sport.ua нашри.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.

Аввалроқ, ушбу жангга нафақат украиналик боксчининг, балки Тайсон Фьюрининг ҳам вакант камари қўйилгани ҳақида хабар берган эдик.