14 авг 09:12
Янгиликлар

Бокс/ММА

Усик Жошуа билан жангга тайёргарликни якунлади + ФОТО

Супероғир вазнда WВА Super, WВО, IBF ва IBО чемпиони, украиналик Александр Усик ижтимоий тармоқдаги саҳифасида британиялик Энтони Жошуага қарши реванш жангига тайёргарликнинг асосий босқичи якунлаганини маълум қилди.

"Тайёрликнинг асосий босқичи якунланди. 20 август куни Жиддада кўришгунча!" — дея ёзиб қолдирган Усик инстаграм саҳифасида.

Боксчиларнинг илк жанги 12 раунд тўлиқ давом этган ва Александрнинг 116-112, 117-114, 115-113 ҳисобидаги ғалабаси билан якунланганди. Ушбу жанг The Ring журнали томонидан 2021 йил воқеаси сифатида эътироф этилганди.