28 июл 08:25
Янгиликлар

Бокс/ММА

Усик - Жошуа бокс оқшомининг Co-main event жанги эълон қилинди + ПОСТЕР

Matchroom Boxing промоутерлик компанияси 20 август куни Саудия Арабистонида бўлиб ўтадиган бокс оқшомининг андеркарт жангини эълон қилди.

Эслатиб ўтамиз, кечанинг асосий жангида украиналик Александр Усик (19-0, 13 КО) британиялик Энтони Жошуага (24-2, 22 КО) қарши супероғир вазн тоифасида WВА Super, WBO, IBO ва IBF чемпионлик камарини ҳимоя қилади.

Co-main event жангида хорватиялик Филип Хргович (14-0, 12 КО) ва хитойлик Чжан Жилэй (24-0-1, 19 КО) супероғир вазн тоифасида IBF камарига мажбурий даъвогарлик учун кураш олиб боради.

Шунингдек, ярим оғир вазн тоифасида британиялик Каллум Смит (28-1, 20 КО) франциялик Матьё Бодерликка (21-1, 12 КО) қарши рингга кўтарилади.

Икки вазн тоифасида собиқ жаҳон чемпиони швециялик Баду Жек (25-3-3, 15 КО) америкалик Ричард Риверага (21-0, 16 КО) қарши рингга кўтарилади.

Бутунжаҳон бокс серияси (WВSS) аъзоси, америкалик Эндрю Табити (19-1, 15 КО) биринчи оғир вазнда (90,7 кг гача) суринамлик Тайрон Спонг (14-0, 13 КО) билан куч синашади.