22 июл 12:15
Янгиликлар

Бокс/ММА

Усик - Жошуа жангига чиқарилган чипталар нархи маълум

Жанг ташкилотчилари 20 август оқшомига чиқарилган чипталар нархини эълон қилишди.

Саудия Арабистонининг Жидда шаҳрида ўтказиладиган бокс кечасининг марказий жанги оғир вазн тоифасида учта йўналиш чемпиони, украиналик Александр Усик (19-0, 13 KO) ҳамда ушбу камарларнинг собиқ соҳиби, британиялик Энтони Жошуа (24-2, 22 KO) ўртасида кечади.

Ушбу жангни жонли тарзда бевосита аренада томоша қилишнинг энг арзон нархи 375 саудия риали (99 доллар). Энг қиммат чиптанинг нархи эса 20 000 риал, тахминан 5320 доллар этиб белгиланди.

Эслатиб ўтамиз, боксчилар ўртасидаги илк жанг 2021 йилнинг октябрь ойида Ноттингем (Буюк Британия) шаҳрида ўтказилиб, унда Усик рақибини 117-112, 115-113, 116-112 ҳисобида мағлубиятга учратган ҳамда британияликка тегишли WBA Super, IBF ва WBO камарларини тортиб олган эди.