Усик: "Жошуа менга қарши нима қилиши ҳақида умуман ўйламайман"

Супероғир вазн тоифасида WBA, WBО ва IBF йўналишлари бўйича жаҳон чемпиони Александр Усик Энтони Жошуа устидан қозонилган ғалаба ҳақидаги фикрлари билан ўртоқлашди. Украиналик боксчининг сўзларига кўра, у жамоаси билан бирга жангни таҳлил қилиш учун кўп меҳнат қилган.

"Бу жангни 8 ёки 9 бор қайта кўриб чиққанман. Ҳар кўрганимда мен кўп йиллик кундалигимга хатоларимни ёзиб қўярдим. Тўғри қилган ишларимни ёзмаганман. Ҳозир бу анча зўр, қийин жанг бўлганини эслайман. Худога шукур, мен ғалаба қозонганман".

Александр нима сабабдан яхши вазиятларидан кўра хатоларига кўпроқ эътибор берганини тушунтирди.

"Жангни мураббий алоҳида, мен алоҳида кузатдик. Кейин эса бирга кузатдик ва хатоларимизни муҳокама қилдик. Ижобий тарафларни қолдириб, хатоларимизни хотирадан ўчиришимиз керак. Мураббий ва жамоам билан бирга жангни, нималарга эришганимизни таҳлил қилдик, лекин кўпроқ нималарга эриша олмаганимизни муҳокама қилдик".

Усик Жошуа билан реванш жангидан нималар кутаётганини айтди.

"Реванш жангида биз янги ишлар қиламиз, лекин яхши ишларни ҳам такрорлаймиз. Жошуа нима қилишини билмайман. Рақибим менга қарши нима қилиши ҳақида умуман ўйламайман.

Мақсадим — залдаги машғулотимни ўз жамоам билан бажариш. Буни жангда кўрсатиш керак. Рақиб рингда мен рухсат берганимнигина қилади. Бу нафақат мен, балки ҳар бир рақиб ўзига рухсат берилган ишни қилади", - деди Усик Tipsportга берган интервюсида.

Боксчилар ўртасидаги реванш жанги шу йил ёз фаслида бўлиб ўтиши мумкин. Аввалроқ, Усикнинг менежери жангнинг эҳтимолий манзилини айтганди.