«Усик - Жошуа реваншини ташкил қилиш учун етти ой вақтимиз бор»

Оғир вазн тоифасида WBА, IBF, WBО ва IBО йўналишлари чемпиони Александр Усикнинг промоутери Александр Красюк бўлажак реванш жангига тайёргарлик тафсилотларини ошкор қилди. МEГОГО эфирида украиналик боксчининг менежери реванш жанги қандай ташкил этилиши ва қаерда ўтказилиши мумкинлигини айтиб берди.

«Жанг ҳозир иссиқ бўладиган мамлакатда ўтказилади. Бизда бу жангни ўтказиш учун етти ой вақт бор - улар шартнома билан белгиланади. Ташкилотчилар ўз ишларини камида тўрт, узоғи билан беш ой аввал бошлашлари керак. Вақт ва жойни аниқлаш шарт. Бунинг учун ҳар бир вариантнинг рейтингини таҳлил қилиш лозим. Бу шуни англатадики, биз уни турли мамлакатларда ташкил қилиш орқали қанча тижорий фойда олишимиз мумкинлигини таҳлил қилишимиз керак», - деди Красюк.