Усик: "Умар Кремлёв, бу шунчаки байроқ ранглари эмас, бу бутун дунёдаги эркинлик ранглари"

Бир неча кун аввал Украина бокс терма жамоаси IBА'дам четлатилганидан хабарингиз бор. Александр Усик Инстаграм саҳифасида Умар Кремлёв ҳамда Украина бокс терма жамоасига видео мурожаат йўллади.

"Ҳаммага салом. Мен Европа чемпионатида Украина байроғи ва мадҳияси остида иштирок этиши тақиқланган бокс бўйича Украина миллий терма жамоасини қўллаб-қувватлашимни билдирмоқчиман.

Умар (Умар Кремлёв, IBА'ни бошқарадиган россиялик тадбиркор), бу шунчаки байроқ эмас, бу бутун дунёдаги эркинлик ранглари. Мусобақада ҳаракат қилаётган йигитларимизнинг руҳини синдира олмайсиз. Сиз бу ҳақда орзу ҳам қила олмайсиз.

Йигитлар, сиз ажойибсиз. Бутун дунёга жасорат ва руҳий кучингизни кўрсатганингиз учун раҳмат. Украиналиклар иродали. Украинага шон-шарафлар!", - дея видео мурожаат қолдирди Усик.