Усикнинг менежери Фьюрининг шартлари ҳақида: "У Александрдан иложи борича узоқроқ қочиш йўлини топишга ҳаракат қиляпти"

Оғир вазн тоифасида WBА, WBО ва IBF йўналишлари чемпиони Александр Усикнинг менежери Александр Красюк WBC чемпиони Тайсон Фьюрининг шартларига муносабат билдирди.

Британиялик боксчи жанг шарномасида реванш ўтказилиши қайд этилмаслиги кераклигини айтган эди.

“Усик айтганидек, мешқорин ҳали ҳам жангдан чиқиш йўлини топишга умид қилмоқда. Биз буни аввалдан билардик, ҳозир ҳам биламиз.

Усик реванш ўтказмаслик бандини қабул қилгач, Тайсон жангни бекор қилиш учун яна нимадир қидиради. У Усикнинг 70/30 шартига рози бўлишини кутмаганди.

Бу ҳаммаси эмас. У тайёр эмас, жанг қилишдан қўрқади. Фьюри имкон қадар узоқ вақт давомида Усикдан қочиш йўлини топишга ҳаракат қилади. Биз унга ишонмаймиз. Мен бирортаси Усик билан жанг қилишига ишонмайман. Фьюри барибир чиқиш йўлини топишга ҳаракат қилади", - деди Красюк.