09 май 09:48
Янгиликлар

Бокс/ММА

Усикнинг ўрнини Майкл Хантер эгаллаши мумкин

Супероғир вазн тоифасида жаҳон чемпионлик камарлари учун собиқ даъвогар Карлос Такам 25 май куни катта эҳтимол билан америкалик Майкл Хантерга қарши жанг ўтказади.

Аслида шу куни Такам биринчи оғир вазн тоифасида собиқ мутлоқ жаҳон чемпиони Александр Усикка қарши рингга кўтарилиши керак эди. Ушбу жанг Учик учун супероғир вазндаги дебют жанги бўлиши лозим эди. Лекин украиналик боксчи машғулот чоғида жароҳат олди.

Энди 25 май кунги жангда Карлос Такам Хантерга қарши рингга чиқиши мумкин. Хантер ҳам Усик сингари биринчи оғир вазнда ўз жангларини ўтказган. 2017 йили WBO камари учун кечган жангда айнан Усикка имкониятни бой берган.