Усикнинг промоутери: "Бу одамлар нима қилишни яхши билади"

"Ҳозирги шароитда ғалаба кўп нарсани англатади. Усик — Украинада миллий қаҳрамон. Энди эса энг машҳур боксчи. Кўпчилик уни ижтимоий тармоқларда кузатиб боради, интервьюларини томоша қилади ва фаолиятини кузатиб боради.

Ҳозир украиналиклар оғир кунларни бошдан кечирмоқда. Одамлар руҳан чарчашган. Шунинг учун улар кучли энергияга муҳтож. Усикнинг жанги одамларни хурсанд қиладиган. Ҳамма унинг ғалаба қозонишини хоҳлайди. Сабаби ҳозир Украинага ғалаба зарур.

Усик юқори даражадаги профессионал боксчи. У катта тажрибага эга. Бошқа спорт турлари сингари, боксда ҳам психология ва менталитет катта рол ўйнайди. Тўғри фикрлаш ғалабанинг калити бўлиши мумкин.

Усик атрофида профессионал жамоа йиғилган. Бу одамлар нима қилишни, нима дейишни, машғулот жараёнини қандай олиб боришни билишади. Ҳар бир украиналик сингари, Усик ҳам ўз мамлакатида содир бўлаётган воқеалар туфайли азоб чекмоқда.  Аммо, бу унинг ўз мақсадларига эришишига тўсқинлик қилмайди", — деди Красюк.

Эслатиб ўтамиз, Жошуа — Усик жанги 20 август куни бўлиб ўтади.