Усман Нурмагомедов Ядонгни урмоқчи бўлгани ҳақидаги хабарлар ортидан баёнот берди

Жанг тўхтатилганидан сўнг Усман октагонга югуриб чиқди ва ғалабани нишонлаётган Ядонг билан деярли тўқнашиб кетди.

«Бизга фақат тақдиримизга битилган нарсагина етиб келади. Ҳар қандай ҳолатда ҳам Аллоҳга ҳамд бўлсин. Одамлар бу воқеадан катта фожиа ясашяпти, яхшиси, улар бироз хотиржам бўлишсин. Бундан анча ёмонроқ нарсалар бор, ҳаддан ташқари кўп ўйлаш шарт эмас, шунчаки дунёда нималар содир бўлаётганига қаранг.

Яна мен гўёки унинг рақибини урмоқчи бўлганим ҳақида. Агар уни урмоқчи бўлганимда, урган бўлардим. Ғазабнок, майдакаш ва ҳасадгўй инсонлар, сизларнинг муаммоингиз шундаки, сизларда ҳеч қачон оилавий муносабатларнинг қадри ва меҳрини тушуниш бўлмаган ва бўлмайди ҳам. Агар ака-ука бир-бири учун нимани англатишини билмасангиз, менга эмас, ўзингизга раҳм қилишингиз керак», деб ёзган Усман ижтимоий тармоқларда.