Усман Нурмагомедовнинг чемпионлик ҳимоя жанги тасдиқланди + ПОСТЕР

Россиялик чемпионнинг жанги 2025 йилнинг 25 январь куни БААнинг Дубай шаҳрида PFL турнири доирасида ўтказилади. Шу куни Усман ирландиялик Пол Хьюзга қарши октагонга чиқади. Ушбу тўқнашув PFL турнирининг марказий жанги бўлади. Жангнинг расмий постерида "Доғистон Ирландияга қарши 2" деган ёзувни кўриш мумкин. Биринчи жанг деганда Хабиб Нурмагомедов - Конор Макгрегор қарама-қаршилиги назарда тутилган. 

Эслатиб ўтамиз, 26 ёшли Усман Нурмагомедов шу йилнинг сентябрь ойида ватандоши Александр Шаблийни беш раунд тўлиқ давом этган жангда очколар ҳисобига кўра ғалаба қозонган эди. Ирландиялик 27 ёшли Пол Хьюз эса октябрь ойида Ар-Риёддаги "PFL гигантлари жанги"да америкалик Эй Жей МакКини ҳакамларнинг айри қарори билан енгиб, чемпионлик камарига даъвогар мақомини қўлга киритганди. Бу унинг кетма-кет қозонган еттинчи ғалабаси бўлган эди.