Усман Нурмагомедовнинг қачон UFC’га ўтиши ҳақида гапирилди

Нурмагомедовларнинг яна бири шу йилнинг ўзида UFC сафига қўшилиши мумкин. Бу ҳақда россиялик жангчи жамоаси вакили Шамил Завуров "Ушатайка" каналига берган интервьюсида маълум қилди.

"Умид қиламизки, Усман тез орада UFC`га йўл олади, лекин аввал у PFLдаги шартномасини якунлаши керак. Ёзда унинг шартномаси бўйича сўнгги жанг бўлади. Шундан сўнг музокаралар бошланади. Унинг хоҳиши бор, ҳаммамизнинг истагимиз бор. Ҳаммамиз тушунамизки, UFC биринчи рақамли Лига ҳисобланади, ҳар доим шунга интилиш керак. Ҳаммаси қандай бўлишини олдиндан айта олмаймиз, лекин шундай режалар бор", - деди Завуров.

Маълумотларга кўра, Усман Нурмагомедов шу йилнинг июль ойида америкалик Арчи Колганга қарши чемпионлик камарини ҳимоя қилади. Лекин ҳозирча ушбу жанг расман эълон қилинмаган.