02 дек 14:51
Янгиликлар

Бокс/ММА

Усмонов "MTK Global" компанияси билан шартнома имзолади ва Фьюри жамоадошига айланди

Бокс бўйича тожикистонлик Осиё чемпиони Баҳодур Усмонов профессионал шартнома имзолади.

2019 йилги Осиё чемпионатида олтин медални қўлга киритган боксчи "MTK Global" компанияси билан шартнома тузди. Бу ҳақида компания расмий сайтида хабар берилди.

"Сўнгги икки йил ичида қозоғистонлик кўплаб мураббийлар томонидан профессионал боксга ўтиш бўйича таклифлар бўлди. Жавобим доимо бир ҳил бўлганди - мураббийим билан гаплашинг. Эндиликда мураббийим "MTK Global"ни тавсия қилди. Шу сабабли ҳам биз шу ердамиз", - деди Усмонов.

MTK Global скаути: "Компаниямиз бунгача ўзбекистонлик боксчилар - Олимпиада чемпиони Шаҳобиддин Зоиров ва APB чемпиони Хуршид Тожибоев билан ҳамкорликни йўлга қўйган. Улар сафига Баҳодурни ҳам қўшиб олганимиздан хурсандмиз. Унда нафақат Тожикистон ва Осиё, балки жаҳон миқёсидаги юлдуз бўлиш имконияти бор", - деди компания вакили.