Ухандаги лицензион турнир бекор қилиниши мумкин

Норасмий хабарларга қараганда, ташкилий қўмита аккредитациядан ўтган иштирокчиларга мусобақа бекор қилингани тўғрисида хат юборган.

"Янги коронавирус келтириб чиқарган пневмония сабабли сизнинг хавфсизлигингиз ва саломатлингиз учун ушбу мусобақани бекор қилишга қарор қилдик", - дейилади хабарда.

Лицензион мусобақанинг янги жойи ва вақтини Халқаро олимпия қўмитаси эълон қилади. Эслатиб ўтамиз, бу мусобақа Токиода бўлиб ўтадиган олимпия ўйинлари учун лицензия беради.

22 январь куни Жаҳон соғлиқни сақлаш ташкилотининг йиғилиши бўлиб ўтади ва унда пневмония тарқалишига қарши кураш чоралари муҳокама қилинади. Хитойдаги маълумотларга кўра, 22 январь ҳолатига кўра, ушбу касалликдан 9 киши вафот этган, касалликка чалинган 440та одам рўйхатга олинган.