20 апр 20:06
Янгиликлар

Кураш

Уйчида Ўзбекистон чемпионати старт олди ФОТОГАЛЕРЕЯ

Бугун Наманган вилоят Уйчи туманидаги 1-сонли болалар-ўсмирлар спорт мактабида белбоғли кураш бўйича 1999-2000 йилларда туғилган ўғил болалар ва қизлар ўртасида Ўзбекистон чемионати бошланди.

Дастлаб, мусобақанинг тантанали очилиш маросими ташкил этилди.

Маросимда сўз олган Ўзбекистон миллий белбоғли кураш федерацияси раиси Равшан Дастиров, Наманган вилоят ҳокимининг ўринбосари Фахриддин Маткаримов, вилоят жисмоний тарбия ва спорт бошқармаси бошлиғи Шокир Карабаев ва бошқалар бугун мамлакатимизда жисмоний тарбия ва спортга, хусусан, болалар спортига қаратилаётган юксак эътибор натижасида ёшларимизнинг халқаро спорт майдонларида муваффақиятларга эришаётгани ҳақида таъкидлаб, мусобақада иштирок этаётган полвонларга омад тилашди.

Бадиий жамоалар томонидан тайёрланган куй-қўшиқлар маросимга, йиғилганлар кўнглига хушнудлик бағишлади.

Шундан сўнг, Қорақалпоғистон Республикаси, Тошкент шаҳри ҳамда вилоятлардан келган 200 нафарга яқин полвонларнинг белбоғли курашнинг эркин ва классик йўналишларидаги беллашувларига старт берилди.