Uzbek Tigers vs Venesuela Caciques: С-1 жамоасида юз фоизлик ғалаба!

Саккизинчи мавсум мусобақасида иштирок этаётган “Uzbek Tigers” жамоаси Венесуэланинг “Venesuela Caciques” боксчиларини қабул қилмоқда. Ҳозиргина С-1 жамоалари ўртасидаги жанглар якунланди. Бешта жангнинг барчасида ҳамюртларимизнинг қўли баланд келди. 

-49 кг вазнда Нодир Мирзааҳмедов рақиби Луис Поласодан, -56 кг вазн тоифасида Олимпиада чемпиони Шаҳобиддин Зоиров Рио Олимпиадаси бронза медали совриндори Йоэль Финолни, -64 килограммда ўсмирлар ўртасида жаҳон чемпиони Алиёр Норалиев Кристиан Паласиони, -75 кг вазнда Исроил Мадримов Клейбер Гонсалесни, -91 кг вазн тоифасида Санжар Турсунов Хуан Беллони катта устунлик билан мағлуб этди. 

Энди навбат С-2 жамоасига. Айни кез 20 дақиқалик танаффус эълон қилинди. Аренага йиғилган мухлисларга концерт дастурининг давоми намойиш этилмоқда. 

С-2 жамоаси жуфтликлари:

-52 кг: Жасурбек Латипов - Хесус Рохас

-60 кг: Шунқор Абдурасулов - Луис Кабрера

-69 кг: Маҳмуд Ғоипов - Габриэль Маэстре

-81 кг: Бектемир Мелиқўзиев - Налек Корбаи

+91 кг: Баҳодир Жалолов - Жордан Эрнандес