07 апр 18:55
Янгиликлар
Uzbek Tigers vs Venesuela Caciques: Термизда катта бокс оқшоми бошланиш арафасида
Саккизинчи мавсум мусобақасида иштирок этаётган “Uzbek Tigers” жамоаси Венесуэланинг “Venesuela Caciques” боксчиларини қабул қилмоқда. Бугун ҳар икки жамоанинг С-1 ва С-2 жамоалари ўзаро рингда тўқнаш келишади. Венесуэладаги нотинч сиёсий вазият туфайли ҳар иккала учрашувга ҳам юртииз мезбонлик қиляпти.
Иккала жамоа жойлашган А гуруҳида Кубанинг Cuba Domadores жамоаси 9 очко билан пешқадамлик қиляпти. Озодлик ороли вакиллари ўтказилган 4та жангдан 3тасида ғалабага эришишган. Улар ўша ягона мағлубиятни айнан ўзбек боксчиларидан қабул қилиб олишган.
“Uzbek Tigers” ҳамда Колумбиянинг Colombia Heroicos жамоалари ҳисобида 5-тур олдидан 7тадан очко бор. Бугунги рақибларимиз 5 очко билан гуруҳда сўнгги ўринни эгаллаб туришибди. Чорак финалга чиқиш учун бугунги учрашувларда ғалаба қозониш шарт.
Айни кез “Алпомиш” спорт мажмуасида ёш санъаткорлар иштирокида концерт дастури тақдим этилмоқда. Бироздан сўнг жанглар бошланади. Аренага мухлисларнинг тафшири давом этяпти.
Бокс оқшомига қизиқиш жуда ҳам юқори. Ўзбекистон бокс федерацияси ана шу қизиқишни инобатга олган ҳолда плей-офф босқич жангларини Республикамизнинг қолган вилоятларида ҳам ўтказишни мақсад қилган.
Фикрлар