07 июн 13:05
Янгиликлар

Шахмат

UzChess Cup III турнири бошланмоқда. Илк турдаёқ Нодирбеклар тўқнашуви

Бугун пойтахтимизда мукофот жамғармаси 121 500 АҚШ долларини ташкил этувчи нуфузли шахмат турнири старт олади.

Учинчи бор ташкил этилаётган UzChess Cup III мусобақаси “Masters”, “Challengers” ва “Futures” гуруҳларида ўтказилади. Бош соврин учун дунёнинг кўзга кўринган гроссмейстерлари баҳсларга киришади. Тўққиз турдан иборат классик шахмат мусобақасининг 1-тур партиялари бугун соат 15:00да бошланади.

Қуръа натижасига кўра, Нодирбек Абдусатторов 1-турда яна бир гроссмейстеримиз Нодирбек Якуббоевга қарши қора доналарда ўйнайди. Муҳиддин Мадаминов оқ доналарда россиялик таниқли шахмат Ян Непомняший синовидан ўтади. Шамсиддин Воҳидов ҳиндистонлик Аржун Эргаиси билан ҳисоб-китоб қилади.