"Uzchess Cup". Нодирбек Якуббоевда ажойиб ғалаба, у Парҳам Мақсудлуни таслим этди

Мукофот жамғармаси 166 000 АҚШ долларини ташкил этувчи мусобақада бугун 4-тур учрашувлари ўтказилмоқда. Турнирнинг "Masters" гуруҳи 4-турида истеъдодли гроссмейстеримиз Нодирбек Якуббоев (2634) Эроннинг биринчи рақамли шахматчиси, "Uzchess Cup" турнирида учинчи рақам остида таснифланган Парҳам Мақсудлу ўртасида бўлиб ўтди. 

Муросасиз кечган баҳсда Парҳам мот бўлишига икки юриш қолган бир паллада мағлубиятини тан олишга мажбур бўлди. Ўтган ҳафта Қозоғистондаги нуфузли турнирда чемпион бўлган Парҳам Мақсудлу Нодирбек Абдусатторовдан кейин Нодирбек Якуббоевга ҳам имкониятни бой берди. Бугунги ғалабадан сўнг Якуббоев 3 очко билан якка пешқадам бўлиб олди.