UZ

Сўнгги янгиликлар

19:50Ҳасанбой, Абдумалик ва бошқалар. Терма жамоамизнинг IBA Жаҳон чемпионати учун таркиби эълон қилинди 0 18:39"Андижон" ярим ҳимоячиси кейинги мавсумни "Бунёдкор"да ўтказади 0 18:17"Улар Мексика ёки Бразилиядан чемпион чиқишини исташмоқда" - собиқ чемпион UFC ҳақида 0 17:52Қозоғистон бокс терма жамоасининг IBA ташкил этадиган Жаҳон чемпионати учун таркиби эълон қилинди 0 17:28Эркебулан Токтар Тошкентда бокс қоидалари бўйича жанг ўтказади (ПОСТЕР) 0 17:05ЖЧ-2026 қуръаси бошланиш вақти маълум, Ўзбекистон номидан кимлар қатнашиши ҳам 0 16:39Нурсултон Рўзибоев янги имижда кўриниш берди (ФОТО) 0 16:16Тайсон Фьюри қайтиши мумкин - промоутер 0 15:40Қозоғистон бокс терма жамоаси аъзолари Баҳодир Жалолов уйида меҳмон бўлишди (ВИДЕО) 0 15:15Гвардиола Силванинг "Манчестер Сити" билан янги шартномаси борасида фикр билдирди 0 14:39Муҳаммаджон Қурбонов бугун Қозоғистонда жанг ўтказади 0 14:17Россияда рингга чиққан икки ёш боксчимизнинг ҳар иккиси ўз жангларида ғалаба қозонишди (ВИДЕО) 0 13:50Давлат Бобонов, Алишер Юсупов ва бошқалар самбо мусобақасида беллашишди (ФОТО) 0 13:29"Реал" янги ҳужумчи топди 0 13:08"Мени мультимиллионерга айлантирди" – Фьюри жангдан 10 йил ўтиб Кличкога миннатдорлик билдирди 0

13 июн 10:32
Янгиликлар

Шахмат

"Uzchess Cup". Нодирбеклар қўшҳоким, дербида дуранг, Суяровда илк мағлубият, Шамсиддин пешқадамни таслим этди

Шу кунларда пойтахтимиз шахмат юлдузлари иштирокидаги "Uzchess Cup" супертурнирига мезбонлик қилмоқда.

Мукофот жамғармаси 166 000 АҚШ долларини ташкил этувчи мусобақада 7-тур учрашувлари ортда қолди. Қувонарлиси, айнан ушбу турдан кейин турнирнинг уччала гуруҳи - "Masters", "Challengers" ва "Futures"да ўзбекистонлик шахматчилар пешқадамликни ўз қўлларига олишди. Шу кунгача "Masters" ва "Futures"да ҳамюртларимиз карвонбошилик қилишаётганди. 

Кеча "Challengers" гуруҳининг марказий учрашувида Шамсиддин Воҳидов шу кунгача пешқадам бўлиб келган сербиялик Александар Инджични мағлубиятга учратди ва 5 очко билан 1-ўринга кўтарилиб олди. Сербияликлар Инджич ва Александр Предке ҳисобида 4,5 тадан очко бор ва улар кучли учликка якун ясашган. Бу турда Жаҳонгир Воҳидов қора доналарда ўйнашига қарамай, германиялик Александр Донченкони енгишга муваффақ бўлди. 

Кучлилар жам бўлган "Masters" гуруҳининг 7-турида ҳам ўзбек дербиси кузатилди ва жуда тез якунланди. Истеъдодли гроссмейстерларимиз Нодирбек Якуббоев ва Жавоҳир Синдаров ўзаро учрашувда дурангга имзо чекишди. Нодирбек Абдусатторов кетма-кет икки ғалабадан кейин бу турда муросага келди. У оқ доналарда руминиялик Ричард Раппорд билан дуранг қайд этди. Ўтган турда Абдусатторовга ютқазган хитойлик Ю Янг Йи бор аламини эронлик Парҳам Мақсудлудан олди. 

Саккизинчи тур олдидан "Masters" гуруҳида қўшҳокимлик сақланиб қолди. Нодирбек Якуббоев ва Нодирбек Абдусатторов 4,5 очкодан жамғариб, турнир жадвалида пешқадамлик қилишяпти. Жавоҳир Синдаров 4 очко билан кучли учликка якун ясаган. Ю Янг Йи ҳам кечаги ғалабада кейин очколарини 4 тага етказиб олди. Ричард Раппорд ва Алексей Сарана ҳисобида 3,5 тадан очко бор. 

"Futures" гуруҳининг 7-турида Муҳаммадзоҳид Суяров (2430) илк мағлубиятини қабул қилиб олди. Кетма-кет тўртта ғалабадан кейин турнир жадвалида якка пешқадам бўлиб олган ёш Муҳаммадзоҳид бу турда қора доналарда озарбайжонлик Вугар Расуловга ютқазиб қўйди. Шунга қарамай, Суяров 5 очко билан пешқадамлигини сақлаб қолди. Расулов кечаги ғалабаси эвазига 4,5 очко билан 2-ўринга кўтарилиб олди. Ҳамюртларимиз Муҳиддин Мадаминов ва Саидакбар Сайдалиев ҳисобида ҳам 4,5 очкодан бор.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг