"Uzchess Cup"да яна бир ўзбек классик дербиси якунланди. Абдусатторов - Синдаров партиясида ким ғалаба қозонди?

Мукофот жамғармаси 166 000 АҚШ долларини ташкил этувчи мусобақада бугун 4-тур учрашувлари ўтказилмоқда. Турнирнинг "Masters" гуруҳи 4-тур марказий партияси икки истеъдодли гроссмейстеримиз - Нодирбек Абдусатторов (2766) ҳамда Жавоҳир Синдаров (Ўзбекистон, 2668) ўртасида бўлиб ўтди. Оқ доналарда ҳаракат қилган Синдаров рейтингда ўзидан юқорида бораётган Абдусатторовни мағлуб этишни уддалади. 

Бугунги муҳим ғалабадан сўнг Жавоҳир ўз очколарини 2,5 тага етказиб олди. Нодирбек Абдусатторов эса 2 очко билан қолди ва табиийки, пешқадамликни ҳам вақтинча бўлса-да бой берди.