06 мар 09:28
Янгиликлар
Хоккей
Вадим Кравченко "Ҳумо" тарихида 100 очко тўплаган илк хоккейчига айланди
Кеча Қозоғистоннинг Қарағанда шаҳрида хоккей бўйича Қозоғистон очиқ чемпионати плей-оффининг чорак финал босқичи доирасидаги "Сариарка" - "Ҳумо" ўйини ўтказилган эди.
Ўйин 3:2 ҳисобида мезбонлар фойдасига якунланди. Ушбу учрашувда "Ҳумо"нинг биринчи голида Василий Жиловга ассистентлик қилган Вадим Кравченко "қанотлилар" тарихида 100 очко тўплаган илк хоккейчига айланди.
У бу йилги чемпионатда 66 очко ишлади (мунтазам чемпионатда 60 та, плей-оффда 6 та). Ўтган йилги чемпионатда эса Кравченко 31 очко йиққан эди (27 очко мунтазам чемпионатда, 4 очко плей-оффда). Шунингдек, у Қозоғистон Кубоги-2023 мусобақасида ўз номига 3 балл ёздириб қўйган.
Эслатиб ўтамиз, кечаги мағлубиятдан сўнг "Ҳумо" чемпионатдаги иштирокини чорак финал босқичида якунлади.
Ҳавола :
Манба : hchumo.uz
Фикрлар