Вадим Меньков: "13 йил давомида 1000 метрда етакчилик қилгандим..."

Уч кун давом этган йилнинг дастлабки мусобақасида Қорақалпоғистон республикаси Тошкент шаҳри ва барча вилоятлардан 150 га яқин спортчилар иштирок этишди. 200, 500 ва 1000 метр масофаларга ўтказилган яккалик, жуфтлик ва тўртлик бахсларида юртимизнинг энг номдор спортчилари билан бирга бир қатор ёшлари ҳам иштирок этди. Эркак ва аёллар ўртасида ўтган маскур мусобақа 16-21 май кунлари Венгриянинг Сегед, 23-28 май кунлари эса Германиянинг Дуйсбург шаҳарларида ўтадиган жаҳон кубоги биринчи ва иккинчи боскичларилари қолаверса Жакарата шаҳрида ўтадиган XVIII Осиё ўйинлари саралаш вазифасини ўтаб бергани боис ҳам жуда кучли рақобат остида бўлиб ўтди. Эътиборлиси муросасасиз бахсларда бир қатор шов-шувли натижалар ҳам қайд этилганини алоҳида такидлаш лозим. Жумалдан 1000 метр масофага ўтказилган каноэ бўйича яккалик бахсларида икки карра жаҳон чемпиони Вадим Менков бронза медали билан чекланди. Шохсупанинг энг юқорисини эса бу сафар Осиё ўйинлари ғолиби, жаҳон кубоги совриндори Герасим Кочнев эгаллади.

Вадим Менков: "13 йил давомида ушбу масофада етакчилик қилиб келдим. Начора менинг энг яхши кўрган масофамда бу сафар омад кулиб боқмади. Бундан унчалик ҳафа эмасман. Жуда қаттиқ курашда у ғалабага эришди. Бу албатта, юртимизда ушбу масофада ҳам кучли спортчиларнинг етишиб чиқаётганини кўрсатади. Ниятим бўлажак жаҳон кубоги мусобақасида яна бир карра ўзимни кўрсатиб, мухлислар ишончини оқлашмоқчиман.


-Сезишимча у қадар ҳафа эмассиз. Бироқ, нега унда баҳсдан сўнг эшкакни сувга улоқтирдингиз?

- (кулиб) Шунчаки, банди жуда ҳам терлаб кетганди.

Нурислом Тўхтасин ўғли (2-ўрин): "Герасимни табриклайман. У жуда ҳам тартибли йигит. Очиғи у ўз меҳнати самарасини олди. Кучлилигини исботлади. Айримлар бир нарсани тушунишлари керак. Ҳозир ҳам сув ўша, қайиқ ўша, аммо умуман бошқа давр. Аввалгидек кимдир ўн метр олдинда кимдир олти метрлар орқада қоладиган пайтлар ўтди. Ҳозир ҳамма чемпионлик учун ҳаракат қилмоқда. Рақобат кучайган. Шундай экан ишлаш керак. Бошқа йўл йўқ.

Герасим Кочнев (Мусобақа ғолиби): "Неча ойлар давомида қилган меҳнатим зое кетмаганидан хурсандман. Аслида аввалдан уччаламиз-мен, Меньков, Нурислом Тўхтасин ўғли ўртасида кураш кетади. Ўтган сафар улар ютганди. Бу сафар эса қатъий тартибда ишлаб ўз кучимни исботдим. Мана шундан жуда ҳам мамнунман. Мени қўллаб-қувватлаб, ғабаламга ишонганларнинг барчасига катта раҳмат.

Таъкидлаш лозимки, Герасим Кочнев 500 метрга яккалик ва жуфтлик (Серик Мирбеков билан)баҳсларида ҳам барча рақибларини ортда қолдирди. 1000 метрга ўтказилган жуфтлик баҳсларида эса Серик Мирбеков ва Герасим Кочнев жуфтлиги учинчи ўринни банд этди. Бу борада Суннатилло Тожиев ва Суннатилло Иноғомов биринчи, Нурислом Тўхтасин ўғли ва Бекзод Умаралиев жамоаси эса иккинчи бўлишди. Аёллар ўртасидаги беллашувларда жаҳон кубоги ғолибаси, истеъдодли спортчи Дилноза Раҳматова бир қатор йўналишлар бўйича барча рақибларидан устун келиб, жаҳон кубоги йўлланмасини қўлга киритди.

Улуғбек Хакимжонов