Вальтер Уокер: "Гусков - Анкалаев жанги учинчи раундга етиб бормайди"

Уокер Гусковнинг жамоадоши ҳисобланади. Унинг фикрича, Богдан ярим оғир вазн тоифасида собиқ UFC чемпиони Магомед Анкалаевни нокаутга учратиб, аралаш яккакурашлар дунёсини ҳайратда қолдиради.

"Албатта, мен Богдан ғалаба қозонишини хоҳлайман. У ҳақиқий истеъдод эгаси, шунчаки машина. Менимча, у дунёни ҳайратга солиш учун катта имкониятга эга. У ютиши мумкин. Ўйлайманки, у GOR MMA клубидаги биринчи UFC чемпионимиз бўлади. Гусков Анкалаевни иккинчи раундда нокаутга учратади деб ўйлайман.

Бу ҳамма учун катта кутилмаган ҳодиса бўлади, лекин мен айнан шуни кутяпман. Мен ҳар куни Богдан билан машқ қиламан, шунинг учун унинг нимага қодирлигини биламан. У, шубҳасиз, бу жангда ғалаба қозониб, ўзбекистонлик биринчи UFC чемпионига айланиши мумкин", - деди бразилиялик спортчи Red Corner MMA нашрига берган интервьюсида.

25 июль куни ярим оғир вазн тоифасидаги жанг Абу-Дабида бўлиб ўтадиган UFC Fight Night 282 турнирининг асосий воқеасига айланади. Гусков Анкалаев билан жангни ўн бир кунлик огоҳлантириш билан қабул қилиб, жароҳат олган америкалик Халил Раунтрини алмаштиришга рози бўлганди.

Қизиғи, Вальтер Уокер ҳам ушбу тадбирда октагонга чиқади. У америкалик Томас Петерсен билан ҳисоб-китоб қилади.