27 июл 10:37
Янгиликлар

Теннис

Вашингтон (WTA). Анна Калинская Радукануни таслим этди

АҚШ пойтахти Вашингтон шаҳрида теннис бўйича ўтказилаётган WTA 500 тоифасига кирувчи турнир ўз якуни сари яқинлашмоқда.

Дунёнинг 48-ракеткаси бўлиб турган Анна Калинская ортиқча қийинчиликсиз финал йўлланмасини ҳал қилди. Россиялик теннис маликаси 1/2 финал баҳсида рейтингда ўзидан икки поғона юқорида бораётган британиялик Эмма Радукануни мағлубиятга учратди - 6/4, 6/3.

Бу теннис маликаларининг ўзаро ўтказган илк учрашуви бўлди. Тўқсон олти дақиқа давом этган ярим финал баҳсида Калинская 2, Радукану 6 та эйс зарбасини амалга оширган. Қўшхатолар ва брейклар мос равишда 5 га 4 ва 4 га 1 кўринишида Анна фойдасига ҳал бўлди.