24 сен 11:09
Янгиликлар

Теннис

Вавринка Медведевдан кейин Имерга ҳам чиқиш эшикларини кўрсатиб қўйди

Франциянинг Метц шаҳрида ўтказилаётган теннис бўйича ATP турнири ўзининг ҳал қилувчи палласига кирди.

Мусобақада ярим финалчилар номи маълум бўлди. Швейцариялик Стэн Вавринка иккинчи даврада дунёнинг тўртинчи ракеткаси, россиялик Даниил Медведевдан мусобақадан чиқариб юборган эди.

Чорак финалда эса ATP рейтингида 284-поғонадан жой олган Вавринка дунёнинг роппа-роса 100-ракеткаси, швециялик Микаэл Имердан устун келди - 6/4, 4/6, 7/6(5).

Теннисчилар кортда 2 соату 47 дақиқа ҳаракат қилишган. Бу уларнинг илк учрашуви эди. Вавринка 7, Имер эса 2 та эйс зарбасини ижро этган. Иккала теннисчи ҳам 3 тадан брейкни амалга оширган.