29 окт 07:59
Янгиликлар

Гимнастика

Вазир кубоги учун ўтказилган мусобақа ғолиблари аниқланди

Бухоро шаҳридаги “Нафис” гимнастика саройида умумий ўрта таълим мактаблари ўқувчилари ўртасида спортнинг бадиий гимнастика тури бўйича “Мактабгача ва мактаб таълими вазири кубоги” спорт мусобақасининг вилоят босқичи бўлиб ўтди.

Мазкур босқичда шаҳар ва туман босқичларида ғолибликни қўлга киритган 1-4-синф ўқувчи-қизлари жамоавий ва якка баҳсларда ўз маҳорат ва истеъдодини намойиш этди.

Якуний натижаларга кўра, жамоавий баҳсларда 1-ўрин Когон шаҳар, 2-ўрин Жондор тумани, 3-ўрин Шофиркон тумани жамоасига насиб этди. Яккалик баҳсларида эса 6 нафар иштирокчи ғолиб деб топилди.