01 окт 16:29
Янгиликлар

Дзюдо

Вазир ўринбосари жаҳон чемпионатига тайёргарлик кўраётган терма жамоамиз билан учрашди

6-13-октябрь кунлари Тошкент шаҳридаги “Ҳумо Арена” саройида тарихда илк бор дзюдо бўйича катталар ўртасидаги жаҳон чемпионати бўлиб ўтади.

Спортни ривожлантириш вазири ўринбосари Шаҳрилло Маҳмудов Самарқанд вилоятида Жаҳон чемпионатига тайёргарлик кўраётган дзюдо бўйича терма жамоамиз билан учрашди.

Маҳмудов учрашув аввалида олдимизда турган ушбу мусобақанинг масъулияти ҳақида фикр билдирди. Унга етарлича тайёргарлик кўрилгани ва бир қанча йиғинлар ташкил этилгани қайд этилди. Вазир ўринбосари учрашув якунида Жаҳон чемпионати олдидан ҳамюртларимизга омад тилади.