Вазир ва унинг ўринбосарлари томонидан ҳудудларда ўрганиш ишлари давом этмоқда

Ташрифнинг биринчи куни Андижон, Наманган ва Фарғона вилоятларининг спорт соҳаси вакиллари билан ZOOM платформаси орқали йиғилиш ўтказилиб, бир қатор муҳим вазифалар тўғрисида кўрсатмалар берилди. 

Йиғилишдан сўнг, вилоятда спорт соҳасида амалга оширилаётган ишлар ҳамда ёшларга яратилган шароитлар билан танишилди. Хусусан, Фарғона шаҳридаги сув спорт турларига ихтисослаштирилган спорт мактаби ҳамда унга қарашли спорт иншоотлари кўздан кечирилди.

Бундан ташқари, Фарғона шаҳрида янги барпо этилаётган Гимнастика марказининг қурилиш жараёнлари ҳамда Футбол академиясининг иш фаолияти, Инвестиция давлат дастури доирасида қурилиши режалаштирилган футбол майдони лойиҳаси билан танишилди.

Фарғона олимпия ва паралимпия спорт турларига тайёрлаш марказида маҳаллий бюджет маблағлари ҳисобидан барпо этилаётган ошхонанинг қурилиши жараёнлари билан танишилди.

Шунингдек, Қувасой шаҳар 1-2-сон спорт мактабларида ҳамда Фарғона туман 1-сон спорт мактабларида амалга оширилаётган ишлар ҳамда спортчиларга яратилаётган шароитлар билан ҳам танишилди.

Ўрганиш ишлари давом этмоқда.