Вазирлик Ишчи гуруҳи бугун Муйноқ туманини ўрганди

Жумладарн, ишчи гуруҳ аъзолари Орол денгизи бағрида жойлашган ва юртбошимизнинг саъй-ҳаракатлари натижасида сўнгги йилларда тобора чирой очаётган Муйноқ туманида бўлишди.

Ишчи гуруҳ туман болалар-ўсмирлар спорт мактабида бўлиб, бу ерда бажарилаётган ишларни ўрганди. Жумладан, спорт таълим муассасасини ёш кадрлар билан таъминланганлик ҳолати ҳамда тренерларга бўлган эҳтиёжи борасидаги таклифлари олинди.

Шунингдек, вазирликнинг Ахборот-коммуникация технологияларини жорий этиш ва ривожлантириш бўлими ходимлари томонидан Муйноқ туманидаги спорт объектларининг интернет тармоғига уланганлиги ва бу борада кўрилаётган чора-тадбирлар, бино ва иншоотларни кузатув камералари билан таъминлаш, сузиш аппарат дастурий таъминотини жорий этиш бўйича амалга оширилаётган ишлар ҳамда БЎСМнинг моддий-техник базасидан мақсадли фойдаланиш борасидаги ишлари таҳлилий кўриб чиқилди.

Аниқланган камчиликлар юзасидан мутасадди раҳбарларга тегишли кўрсатма ва тавсиялар берилди. Ишчи гуруҳ Қорақалпоғистон Республикасини ўрганишда давом этади.