23 фев 12:47
Янгиликлар

Велоспорт

Велоспорт. Осиё чемпионати совриндорлари тантанали равишда кутиб олинди

16-20 февраль кунлари Малайзиянинг Куала-Лумпур шаҳрида велоспорт бўйича Осиё Чемпионати ўтказилгани, ушбу мусобақада ҳамюртларимиз 1та кумуш ва 1та бронза медалларини қўлга киритганликлари ҳақида хабар қилгандик.

Бугун, эрта тонгда мусобақада совриндор бўлган спортчиларимиз юртимизга қайтиб келишди. Улар Ислом Каримов номидаги Тошкент халқаро аэропортида Ўзбекистон велосипед спорти федерацияси мутасаддилари, мухлислар ва ОАВ вакиллари томонидан тантанали тарзда кутиб олинди.

Ўз ўрнида совриндор спортчиларимиз мусобақа давомида ўзларини қўллаб-қувватлаб турган барчага миннатдорчилик билдириб, навбатдаги мусобақаларда бундан ҳам яхшироқ натижа қайд этишга ваъда бердилар.