19 мар 18:54
Янгиликлар

Велоспорт

Велоспорт. Осиё чемпионати ва Жаҳон кубогидан қайтган спортчиларимиз тантанали кутиб олинди

Хабарингиз бор, февраль ойи якунида Ҳиндистонда велоспортнинг трек йўналиши бўйича Осиё чемпионати, бугун эса Ҳонг-Конгда Жаҳон кубогининг иккинчи босиқичи ўз якунига етди.

Ушбу мусобақаларда қатнашган Ўзбекистон аёллар терма жамоаси 2 та кумуш медал қўлга киритишдан ташқари, медисон дастурида Олимпия йўлланмаси учун катта қадам ташлади.

Мусобақаларда иштирок этган делегациямиз вакиллари бугун Ислом Каримов номидаги Тошкент халқаро аэропортида кутиб олинди.

Кутиб олиш маросимида Ўзбекистон Велосипед спорти федерацияси бош котиби Асқарбек Абдувалиев, федерация мутасаддилари, мухслислар, спортчиларнинг яқинлари ва ОАВ ходимлари иштирок этишди.

Эслатиб ўтамиз, делегациямиз Ҳиндистондаги Осиё чемпионатида жами 6 та медалга эга чиққан эди.