Велоспортчиларимиз "Giro d'Italia Womens" нуфузли кўп кунлик пойгасидаги иштирокини якунлади

Умумий 876.7 км масофани ўз ичига олган 8 та босқичли пойгада "Лидл-Трек" клуби аъзоси Лого Боржини ғалаба қозонди.

Турнирнинг кучли бешлиги:

1. Лонго Боржини ("Лидл-Трек")

2. Лотте Копетски ("Теам СД Воркс - Протайм")

3. Неве Бредбарри ("Канён//СРАМ Рейсинг")

4. Паулиена Ройжаккерс ("Феникс-Деcеунинcк")

5. Жулетте Лабус ("Тим дсм-фирменич ПостНЛ").

Эслатиб ўтиш жоиз, мусобақанинг олтинчи босқичи доирасида Ўзбекистоннинг "Tashkent City Womens Professional Cycling Team" жамоасининг тўрт нафар аъзоси - Нафосат Козиева, Маргарита Мисюрина, Моҳинабону Элмуродова ҳамда Мадина Қаҳҳорова пойгадан четлатилган эди. Ундан олдин эса Асал Ризаева дисквалификацияга учраган эди.

Еттинчи босқичда эса афсуски, қолган икки спортчимиз — Олга Забелинская ва Янина Кускова ҳам пойгани якунлай олмади.

Шу тариқа, "Tashkent City Womens Professional Cycling Team" велосипедчилар жамоаси нуфузли "Giro d'Italia Womens" мусобақасини сўнгги, саккизинчи босқичдан олдин якунлади.