Велоспортчиларимиз учун жаҳон чемпионати якунланди. Унда биргина Кускова натижа қайд этди

Мусобақада Ўзбекистон терма жамоаси аъзолари ҳам иштирок этди.

Дастлаб, 27 сентябрь куни Никита Цветков 23 ёшгача бўлган спортчилар ўртасидаги гуруҳ пойгасида стартга чиқди, аммо Париж Олимпиадасида бўлгани каби у финишгача етиб кела олмади.

28 сентябрь куни жаҳон чемпионати доирасида аёллар ўртасидаги гуруҳ пойгаси ташкил этилди. Унда Ўзбекистон терма жамоаси сафида Шаҳноза Абдуллаева иштирок этиши олдинроқ расман эълон қилинган эди. Қизиғи, Абдуллаева билан бирга аввалроқ таркибдан чиқарилган Янина Кускова ҳам стартга чиқди.

Якунда Янина Кускова 66-натижани қайд этган бўлса, Абдуллаева пойгани охиригача етказа олмади.

Кеча ўтказилган эркаклар ўртасидаги гуруҳ пойгасида эса Дмитрий Бочаров ўз омадини синаб кўрди. У ҳам қолган велоспортчиларимиз сингари финишга етиб кела олмаган.