Велотрек бўйича Республика очиқ турнири якунланди

Уч кун давом этган мазкур мусобақа қизғин баҳсларга бой бўлди. Биринчи кунги баҳсларда ўз йўналишлари бўйича эркаклар ўртасида Бегзод Раҳимбоев ҳамда Дилмурод Сиддиқов биринчиликни қўлга киритган бўлса, аёллар ўртасида Шаҳноза Абдуллаева ва Диана Адельшенова пешқадамлик қилди.

Ўсмирлар ўртасида эса Камрон Мирзараҳимов рақибларидан катта фарқ билан ўзиб кетган бўлса, қизлар орасида Анастасия Отченко 1-ўринни эгаллади.

Иккинчи кунги баҳсларда ҳар иккала йўналиш бўйича эркаклар ўртасида Дмитрий Бочаров ўз устунлигини намойиш этган бўлса, аёллардан Рената Байметова биринчиликни қўлдан бермади.

Ўсмирлар орасида кечган муросасиз баҳслар сўнгида Владислав Троман, қизлардан эса София Каримова маррага биринчи бўлиб етиб келишди.

Кеча ўтказилган учинчи кунги баҳсларда маррани биринчи бўлиб забт этиш эркаклар ўртасида таниқли спортчимиз Муроджон Холмуротовга, аёллардан эса Рената Байметовага насиб этди. Ўсмирлар орасида омад Камрон Мирзараҳимовга кулиб боққан бўлса, қизлар баҳсида яна София Каримова ўз устунлигини исботлади.