14 июл 22:11
Янгиликлар

Дзюдо

Венгрия Гран-приси. Бекмурод 5-ўрин билан кифояланди

Венгрия пойтахти Будапешт шаҳри мезбонлик қилаётган дзюдо бўйича Гран-при туркумига кирувчи турнир якуни сари яқинлашмоқда.

Ҳозиргина мусобақанинг +100 кг вазн тоифасидаги беллашувларида иштирок этган вакилимиз Бекмурод Олтибоев бронза медали учун баҳсда татамига чиқди.

Афсуски, Олтибоев грузиялик полвон Гела Заалишвилига қарши кечган баҳсда рақибига имкониятни бой бериб, 5-ўрин билан кифояланди.

Шу тариқа, Ўзбекистон терма жамоаси Венгрия Гран-присини 2 та бронза медали билан якунлади. Ҳамюртларимиздан Шаҳрам Аҳадов (-66 кг) ва Ҳикматуллоҳ Тўраев (-73 кг) Тошкентга бронза медали ҳамда 350 рейтинг очкоси билан қайтадиган бўлишди.