13 июл 18:39
Янгиликлар

Дзюдо

Венгрия Гран-приси. Будапештда бронза учун "ўзбек дербиси" бўлади

Будапешт шаҳрида дзюдо бўйича Гран-при туркумига кирувчи нуфузли турнир давом этмоқда.

Эътиборга молик жиҳати шундаки, -73 кг вазн тоифасида бронза медаль соҳибини аниқлаб берувчи учрашувда икки ҳамюртимиз Ҳикматуллоҳ Тўраев ва Ғиёсжон Бобоев татамига чиқадиган бўлди.

Афсуски, Тўраев ярим финал баҳсида косоволик Акил Гжаковага имкониятни бой бериб қўйди. Бобоев эса бронза медали йўлидаги илк учрашувда перулик Алонсо Вонгни енгди. Энди Бобоев бронза медали учун Тўраевнга қарши баҳс олиб боради. Ҳар қандай ҳолатда ҳам терма жамоамиз ғазнаси битта бронза медалига бойийди.