22 июл 08:39
Янгиликлар

Велоспорт

Венгриялик машҳур велосайёҳ Олимпия шаҳарчасида бўлди

"Велосайёҳ – тинчлик элчиси" мақомига эга венгриялик тадбиркор ва велосайёҳ Ёжеф Зелей Осиё давлатлари бўйлаб ўтаётган учинчи велотури доирасида Олимпия шаҳарчасига ташриф буюрди.

Ташриф давомида у Ўзбекистон Республикаси Спорт вазири ўринбосари Шахрилло Маҳмудов шунингек, Ўзбекистон велоспорт федерацияси раҳбарияти билан учрашиб, мамлакатимизда спорт, хусусан, велоспортни ривожлантириш ва оммалаштириш масалалари юзасидан фикр алмашди.

Шунингдек, Ёжеф Зелей Олимпия шаҳарчасидаги замонавий велодром, спорт иншоотлари ва спортчилар учун яратилган шароитлар билан танишиб, уларга юқори баҳо берди.

Маълумот учун: 1963 йилда туғилган Ёжеф Зелей 2004 йилдан буён беш қитъа бўйлаб қарийб 100 минг километр масофани велосипедда босиб ўтган. Унинг учинчи Осиё велотури 2025 йил 29 июнда Афинадан бошланган бўлиб, сафар давомида Осиёнинг бир қатор давлатлари, жумладан, Марказий Осиё мамлакатларига ҳам ташриф буюриши режалаштирилган.