16 июн 10:02
Янгиликлар

Бокс/ММА

Веттори Пауло Костани жангга чақирди. Коста эса уни устидан кулиб, жавоб берди

Яқиндагина Исраэль Адесаньядан мағлуб бўлган UFC жангчиси Марвин Веттори Пауло Костага "вызов" ташлади.

"Агар Даррен Тилл мен билан жанг қилишга тайёр бўлса, унда мен ҳам тайёрман. Аммо, мен чин дилдан мана бу пиёниста Пауло Костани жазолашни хоҳлайман. Албатта, агар у ичкиликдан воз кечиб жанг қилишни хоҳласа", - деди Марвин Веттори.

Коста эса твиттер орқали тезда жавоб қайтарди.

"Мен мана бу тентак билан жанг қилишга тайёрман, агар у жангга ҳудди шундай кўринишда келса", - деб ёзади бразилиялик жангчи.

Веттори жангдан олдинги фотосессияда махсус шортикларини тескари кийиб олган ҳолда суратга тушганди. Коста айнан шуни назарда тутиб, Ветторининг устидан кулди.