VI БРИКС ўйинларида 114 та медаль қўлга киритган ҳамюртларимиз тантанали кутиб олинди + ФОТОГАЛЕРЕЯ

13-24 июнь кунлари етмишдан ортиқ давлат иштирокида кечган муросасиз беллашувларда Ўзбекистон делегацияси 17 та олтин, 39 та кумуш ва 58 та бронза, жами 114 та медаль жамғариб, умумжамоа ҳисобида Россия, Беларусь ва Хитой жамоаларидан кейин тўртинчи ўринни эгаллади.

Кеча мусобақада муносиб иштирок этган спортчиларимиз юртимизга қайтиб келишди. Ҳамюртларимизни Спорт вазири ўринбосари Шаҳрулло Маҳмудов бошчилигидаги кенг спорт жамоатчилиги кўтаринки руҳда кутиб олди. Ш.Маҳмудов мазкур натижалар билан спортчиларимизни табриклаб, бўлажак мусобақаларда омад тилади.