ВИДЕО Сафардаги илк ғалабали ўйинда мураббий энг яхши деб топилди!

Кеча Тошкентнинг "Ҳумо" хоккей жамоаси Қозоғистон Про-Лигасининг 39-тури доирасида Астана шаҳрининг "Снежные Барсы" жамоасига қарши илк сафар ўйинини ўтказиб, 5:0 ҳисобида ғалаба қозонган эди. Ушбу учрашувда жамоамиз кетма-кет учинчи ўйинни қуруқ ўтказди ва шу муносабат билан жамоанинг дарвозабонлар мураббийи Роман Кривомазов ўйиннинг энг яхшиси учун бериладиган "Бахтиёр дўппи" соҳибига айланди.

"Ҳумо" жамоаси кетма-кет учинчи ўйинда дарвоза даҳлсизлигини сақлаб қола олди. Таъкидлаш жоиз, бу уч учрашувни ёш дарвозабон Дамир Шаймарданов қуруқ ўтказа олди. Бу борада энг яхши натижа Роман Смирягинда эди (4 та қуруқ ўйин). Дмитрий Мальгин эса бу мавсум доирасида иккита ўйинни голсиз ўтказган.

Шунингдек, "Чеккер" унвонини Павел Синявский бу сафар Дмитрий Архиповга узатди.

Қайд этиш жоиз, мураббийнинг энг яхши ўйинчига берилувчи "бахтиёр дўппи" уновонига лойиқ кўрилиши "Ҳумо" жамоасида биринчи бор юзага келди.