Вилоятларда «Гандбол сайли» ташкил қилинди

«Гандбол сайл»лари Андижон, Сирдарё, Наманган, Фарғона, Хоразм ва Навоий вилоятларидаги истироҳат боғларида ташкил қилинди. Соат 11:00да бошланган спорт байрамлари йиғилганларда илиқ таассурот қолдирди. Тадбирда Ўзбекистон терма жамоаси собиқ аъзоси, бугунги кунда мураббий сифатида фаолият олиб бораётган Зиёвуддин Аҳмедов, терма жамоа аъзолари Самандар Набижонов, Искандар Обиджонов каби гандболчилар ҳам иштирок этишмоқда. Улар томошабинларга ўз маҳоратларини намойиш этишди.

Хабарингиз бор, Миллий олимпия қўмитаси ана шундай тадбирларни ҳар бир спорт турида ўтказишни режалаштирган. Ҳозирча велоспорт ва таэквондо WTF спорт турларидан сайллар ташкил қилинди.

Қайд этиш лозимки, бундай сайллар аҳолини спортга қизиқтириш, оммавийлаштириш ва соғлом турмуш тарзини тарғиб этишда муҳим аҳамият касб этади.