15 окт 11:34
Янгиликлар

Футбол

Винисиус узоқ муддатга дисквалификация қилингани ҳақида гапирди

Мадриднинг "Реал" клуби ярим ҳимоячиси Винисиус Жуниор Чемпионлар лигасининг "Рома"га қарши ўйинидан (4:3) сўнг Ла Лигадаги "Валенсия" билан учрашув (1:0) натижаларига кўра Қироллик испан футбол федерацияси (RFEF) Интизом қўмитаси томонидан узоқ муддатга четлатилганига муносабат билдирди.

Эслатиб ўтамиз, Винисиус рақиб ўйинчиси Натан-Дилан Салибнинг сочидан ушлаб тортгани учун қизил карточка олган эди.

"Уларнинг дисквалификацияни эълон қилиш учун бутун бир куни бор эди, аммо биз стадионга етиб келганимиздагина тўртта учрашувни ўтказиб юборишимни айтишди.

Бизга бу қоида (сочдан ушлаб тортиш ҳақида) ҳеч қачон тушунтирилмаган. Ла Лига ва ҳакамлар қўмитаси вакиллари қоидаларни тушунтириш учун мунтазам равишда олдимизга келишади, аммо бу аниқ ҳолат ҳеч қачон муҳокама қилинмаган. Мен учун бу қизил карточка билан тугади, тамом. Мен ҳеч қачон бошқа футболчиларга нисбатан тажовузкорлик қилмаганман.

Менинг ўзимни ҳам кўпинча уриб туришади, аммо охир-оқибат карточкаларни айнан мен оламан", — дейди Винисиуснинг сўзларини ESPN нашри.