Виталий Кличко Жошуа билан реванш олдидан Усикка мурожаат қилди

"20 август куни Украина учун навбатдаги жанг бўлиб ўтади. Тўғри, бу бокс жанги, аммо биз учун барча соҳада ғалаба муҳим. Александр Усик Украина мадҳияси ва байроғи остида рингга чиқади. Бутун дунё бўйлаб миллионлаб одамлар Усик ва Жошуа ўртасидаги реваншни кузатади. Украина ғалабасини бутун дунё кўради. Саша, биз сенга ишонамиз ва мухлислик қиламиз. Ғалаба бизники бўлади!", - деб айтиб ўтди Кличко ижтимоий тармоқлардаги саҳифаси орқали.

Маълумот учун, Усик - Жошуа 2 қарама-қаршилиги бугун тунда, аниқроғи бизнинг вақт билан тахминан соат 01:00да бўлиб ўтади. Ушбу бокс оқшоми Ўзбекистон вақти билан 20:00да старт олади.

Эслатиб ўтамиз, боксчилар ўртасидаги илк жанг ўтган йилнинг 26 сентябрида бўлиб ўтган эди.