Власовда коронавирус аниқланди, эртанги чемпионлик жанги қолдирилди

Бунинг натижасида унинг америкалик кичик Жоу Смитга қарши ярим оғир вазндаги чемпионлик жанги номаълум муддатга қолдирилди. Бу маълумотни жанг ташкилотчиси ҳисобланган Top Rank промоутерлик компанияси тасдиқлади. Боксчилар эртага тонгда вакант бўлиб қолган WBО камари учун рингга кўтарилишлари керак эди. 

"Максим Власовнинг CОVID-19 учун топширган тест жавоби мусбат чиқди. Шу боисдан унинг кичик Жо Смитга қарши WBО камари учун кечиши керак бўлган жанги қолдирилди. Енгил вазн тоифасида Ричард Коми ва Жексон Мартинес ўртасидаги баҳс энди кечанинг асосий жангги бўлади", - дейилади Top Rank хабарида.

Бугуннинг ўзида Максим Власлов унда касаллик аломаталари йўқлигини айтиб, промоутерлар тез орада жангнинг янги санаси борасида қарор қабул қилишига умид билдирди.