16 дек 12:17
Янгиликлар

Волейбол

Волейбол бўйича эркаклар ва аёллар терма жамоаларининг йиғини қизғин давом этмоқда

Ўзбекистон Республикаси Жисмоний тарбия ва спорт вазирлигининг спорт ва оммавий жисмоний тарбия тадбирларининг тақвим режасига мувофиқ волейбол бўйича эркаклар ҳамда аёллар терма жамоаларининг навбатдаги ўқув-машғулот йиғини бўлиб ўтмоқда.

Эркаклар термаси Фарғона вилоятининг Қўқон шаҳрида йиғин ўтказмоқда. Мазкур ўқув-машғулотлар йиғинига терма жамоа бош тренери Муҳиддин Шодмонов томонидан 23 нафар спортчимиз жалб қилинган.

Машғулотларда асосий эътибор спортчиларнинг жисмоний ва функционал ҳолатини яхшилашга қаратилмоқда. Аёллар терма жамоамиз эса бош тренер Музаффар Ядгаров бошчилигида Наманган шаҳрига тўпланишган. Бу ерда ҳам машғулотларга 23 нафар спортчи чақирилган.

Ҳар икки терма жамоанинг ўқув-машғулотлар йиғини карантин қоидалари асосида ташкил этилган бўлиб, ўқув-машғулотлар йиғини 17 декабрда якунланади.