Волейбол. Осиё чемпионати доирасидаги Ўзбекистон - Қувайт ўйини бўлиб ўтди

Осиёнинг 16 жамоаси қаторида Ўзбекистон эркаклар терма жамоаси ҳам қитъа чемпионатида ўз имкониятини синовдан ўтказяпти. Катта танаффусдан сўнг Осиё чемпионатида иштирок эта бошлаган терма жамоамиз “С” гуруҳидаги сўнгги ўйинни ўтказди. 

Афсуски, учинчи учрашувда ҳам мағлубият алами тотиб кўрилди. Австралия ва Хитойга 0:3 ҳисобларида имкониятни бой берган волейболчиларимиз бугун Қувайт терма жамоасига ҳам муросасиз баҳсда ютқазишди - 1:3 (27:29, 25:16, 21:25, 21:25). 

Энди терма жамоамиз 9-16-ўринлар учун кураш олиб боради. Бироздан сўнг гуруҳнинг марказий ўйини Австралия ва Хитой терма жамоалари ўртасида бошланади.